Canal+ Liga Multi no dial 82 xoves 18 outubro 2012 | Sen comentarios
Ola a todos. Queremos informarvos de que dende esta fin de semana teredes dispoñibles a canle Canal+ Liga Multi no dial 82.
Non se trata de ningunha nova canle, senón dunha complementaria para os que xa tedes contratado Canal+ Liga.
A idea é que en Canal+ Liga Multi se emitan aqueles partidos nos que por coincidencia de horarios, os encontros non se poidan ofrecer pola emisión normal de Canal+ Liga. Tivemos o caso hai ben pouco, que pola canle se emitiu un previo do Barça-R. Madrid, que coincidiu cun partido entre o Ath. de Bilbao e o Osasuna. Agora iso solucionaríase e podedes escoller que partido ver (ben no dial 80 ou ben no dial 82).
O que queremos, claro está, é que non perdades ningún contido do voso interese. Nin que dicir ten que isto non terá ningún custo a maiores do que pagades pro Canal+ Liga, faltaría máis.
No dial 82 só se emitirían contidos as fins de semana, se hai algunha coincidencia de horarios ou varias emisións/encontros a un mesmo tempo, polo que o resto da semana estaría en negro.
Lembrade tamén que, dende onte, xa se pode contratar tamén Canal+ Liga tendo a opción de TV mini.
Un saúdo.
Información del blog de R